SDSN-нің ТДМ Барометр жобасы NU жыл сайынғы ғылыми конференциясында үздік зерттеу жетістігі үшін танылды

SDSN-нің ТДМ Барометр жобасы «Әлеуметтік-экономикалық трансформация» зерттеу критериі бойынша ең үздік постерді ұсынғаны үшін жетістік сертификатына ие болды. Конференция қазылары постерлерді зерттеудің маңыздылығы, зерттеу әдістері және ықпалы сияқты бірнеше критерийлер бойынша бағалады. Қазылардың дауыс беруі нітижесінде, С. Оразғалиев, С. Ксениариос, А. Шайкенова және Н. Капашева біріккен зерттеу тобы ТДМ Барометр жобасы бойынша жеңіске жетті.

ТДМ Барометр Қазақстан 2024 сауалнамасы – Қазақстанның Тұрақты даму шешімдері желісінің (SDSN) бастамасы. Бұл сауалнама Қазақстанның 17 аймағы мен 3 ірі қаласында 3000-нан аса респонденттердің ішінде жүргізіліп, БҰҰ-ның Тұрақты даму мақсаттарына қатысты ұлттық, субұлттық және жеке деңгейлерде қоғамдық пікірді, күтілімдер мен басымдықтарды анықтау үшін кең, инклюзивті және консультативтік деректер жинауды көздеді. Зерттеу әдістемесі «ешкімді артта қалдырмау» принципіне негізделіп, әртүрлі әлеуметтік топтардың пікірлерін айқындау үшін нақты деректер жинады.

2024 жылғы 19-21 қыркүйек аралығында Назарбаев Университетінде бірінші жыл сайынғы Назарбаев Университетінің ғылыми конференциясы өтті. Бұл маңызды шара Қазақстанның түкпір-түкпірінен жетекші зерттеушілерді, ғалымдар мен студенттерді біріктірді. Конференцияның тақырыбы «Қазақстандағы зерттеулердің болашағын қалыптастыру: табысқа жету үшін бірге жұмыс істеу» болды. Әртүрлі салалардағы сарапшылар мен зерттеушілердің басын қосу арқылы бұл конференция Қазақстанды мазалаған ағымдағы және болашақтағы мәселелерге бірлесіп шешім табуға арналған интеллектуалды орта құрды.

Конференция мен өкізілген постерлік сессия SDSN Қазақстан зерттеулерін алға ұсынуға мүмкіндік берген пайдалы платформа болды. Іс-шара басқа факультеттердің зерттеушілері мен оқытушылары арасындағы өзара әрекеттесуді жеңілдетіп, құнды кері байланыс алуға жағдай жасады. Өз зерттеулерін осындай интерактивті әрі ерекше форматта ұсыну, оқытушыларға күрделі тұжырымдамаларды түсінікті әрі қолжетімді түрде жеткізуге, қатысушылармен қызықты пікірталастарды өрбітуге мүмкіндік берді. Жоба бойынша көбірек білу үшін мына сілтемеге өтіңіз: https://lnkd.in/ddXHGhDv